Xəbərlər

İmişli rayon ümumtəhsil müəsissələrində çalışmanın son yaş hədddinə çatmış və veteran müəllimlər təltif edildi.

İmişli rayon D.Ələkbərov adına Əlyetməzli kənd tam orta ümumtəhsil məktəbində ömrünün 45 ilini gənc nəsilin yetişməsinə sərf etmiş veteran müəllim, sabiq dierktor İsmayılov Tahir Yunis oğlunun 70 illik yubleyi qeyd edildi. Çalışmanın son yaş hədddinə çatmış dörd nəfər müəllimin doğum günü qeyd edildi. İmişli rayon A.Allahverdiyev adına Qaralar kənd tam orta ümumtəhsil məktəbinin müəllimləri, Ələsgərova Qənifə Yusif qızı, Rəhmanova Mənsumə Xalıq qızı, Habil Namazov adına Boşçalılar kənd tam tam orta ümumtəhsil məktəbi təşkilatçısı Orucova Yeganə Həsənxan qızı ,İmişli şəhər Nizami Gəncəvi adına nömrəli məktəbin fiziki tərbiyə müəllimi Şahmar Məmmədov Elm və Təhsil İşçiləri Həmkarlar İttifaqı İmişli Rayon Komitəsi tərəfindən təbrik edildi, sonda rayon komitəsinin qiymətli hədiyələri və fəxri fərmala təltif olundular.

Şuşa və Xankədi şəhərinə gəzinti turu təşkil olunmuşdur.

Elm və Təhsil İşçiləri Həmkarlar İttifaqı İmişli Rayon Komitəsinin təşkilatçılığı ilə Milli qəhraman İmanverdi Əliyev adına Qulubəyli kənd tam orta ümumtəhsil məktəbinin kollektivi üçün Şuşa və Xankədi şəhərinə gəzinti turu təşkil olunmuşdur.

Gəzintinin təşkilində əsas məqsəd təhsil işçilərinin asudə vaxtlarının səmərəli təşkili, kollektiv üzvləri arasında əməkdaşlıq və mehriban münasibətlərin daha da möhkəmləndirilməsi olmuşdur. Şuşa və Xankəndi şəhirinə ekskursiya zamanı tarixi memarlıq abidələri tanış olmuşlar işgaldan azad edildikdən sonra başlanmış tikinti qürücülüğ işləri müasir şəhərsalma qaydalarına uygun yenidən bərpa, cıdır düzünün və təbiətin füsunkar gözəl mənzərələri iştirakçılarda xoş təəssüratlar yaratmış, səfər kollektivin birlik və həmrəyliyinin güclənməsinə töhfə vermişdir.

Bizim ordumuz bizim qürurumuzdur

26 iyun – Azərbaycan Respublikası Silahlı Qüvvələri günü münasibətilə YAP İmişli rayon təşkilatının sədri Səfa Ağayev, Milli Məclisin deputatı Səyyad Aran və təşkilatın əməkdaşları tərəfindən rayonda yerləşən “N” saylı hərbi hissə ziyarət olunub. Əsgər və zabitlərlə görüşən Səfa Ağayev onları əlamətdar gün münasibətilə təbrik edib. O həmçinin bildirib ki, bu gün Azərbaycan Ordusu Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı cənab İlham Əliyevin rəhbərliyi ilə dünyanın güclü orduları sırasında layiqli yer tutan, yüksək peşəkarlığı, müasir döyüş hazırlığı və sarsılmaz ruhu ilə seçilən qüdrətli bir orduya çevrilmişdir. 44 günlük Vətən müharibəsində qazanılan möhtəşəm Zəfər və ölkəmizin ərazi bütövlüyünün tam bərpası Azərbaycan əsgərinin qəhrəmanlığının, xalqımızın birliyinin və Ali Baş Komandanın qətiyyətli rəhbərliyinin tarixi təntənəsidir. Çıxış edən millət vəkili Səyyad Aran qeyd edib ki, Azərbaycan əsgəri cəsarətin, intizamın və vətənpərvərliyin rəmzidir. Sizlərin ayıq-sayıqlığı sayəsində xalqımız əmin-amanlıq içində yaşayır, dövlətimiz isə daha da güclənir. Əminəm ki, hər biriniz Vətənə sədaqətlə xidmət etməyə, şanlı ordumuzun adını daim uca tutmağa davam edəcəksiniz.

Sonda hərbi hissəyə bayram sovqatı hədiyyə edilib. 

Hərbi hissənin əsgər və zabitləri göstərilən diqqət və qayğıya görə Silahlı Qüvvələrin Ali Baş Komandanı cənab İlham Əliyevə minnətdarlıqlarını bildiriblər.

YAP İmişli rayon təşkilatının təsis edilməsinin 33-cü ildönümü qeyd olunub

İyulun 3-də Yeni Azərbaycan Partiyası İmişli rayon təşkilatının təsis edilməsinin 33-cü ildönümünə həsr olunmuş tədbir keçirilib. Tədbirdə İmişli Rayon İcra Hakimiyyətinin başçısı Elçin Rzayev, YAP İmişli rayon təşkilatının sədri Səfa Ağayev, Milli Məclisin deputatı Səyyad Aran, YAP Gənclər Birliyinin sədr müavini, YAP Mərkəzi Aparatının Təşkilat şöbəsinin baş məsləhətçisi Fəsli Nəbiyev, ərazi partiya təşkilatlarının sədrləri, partiya veteranları və çoxsaylı partiya üzvləri iştirak ediblər.

Əvvəlcə tədbir iştirakçıları Ümummilli Lider Heydər Əliyevin abidəsini ziyarət edərək önünə gül dəstələri düzüb, dahi şəxsiyyətin əziz xatirəsini dərin ehtiramla yad ediblər.

Tədbirdə Yeni Azərbaycan Partiyasının banisi Ulu Öndər Heydər Əliyevin, Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin, eləcə də vəfat etmiş partiya üzvlərinin xatirəsi bir dəqiqəlik sükutla anılıb. Ardınca Azərbaycan Respublikasının Dövlət Himni səsləndirilib.

Sonra Yeni Azərbaycan Partiyasının yaranma tarixini, keçdiyi inkişaf yolunu və qazandığı uğurları əks etdirən videoçarx nümayiş olunub. 

YAP İmişli rayon təşkilatının sədri Səfa Ağayev çıxış edərək rayon təşkilatının ötən illər ərzində həyata keçirdiyi fəaliyyət, əldə olunan nəticələr və qarşıda duran vəzifələr barədə ətraflı məlumat verib. O, əlamətdar gün münasibətilə bütün partiya üzvlərini təbrik edib, onlara möhkəm cansağlığı, ictimai-siyasi fəaliyyətlərində uğurlar və dövlətimizin inkişafı naminə yeni nailiyyətlər arzulayıb.

İmişli Rayon İcra Hakimiyyətinin başçısı Elçin Rzayev çıxışında vurğulayıb ki, Yeni Azərbaycan Partiyasının qısa müddətdə ümumxalq partiyasına çevrilməsinin əsas səbəbi xalqın Ümummilli Lider Heydər Əliyevə olan sonsuz etimadı və sevgisi idi. O qeyd edib ki, xalq məhz Heydər Əliyevin ətrafında sıx birləşərək Azərbaycanın sabitliyini, inkişafını və gələcəyini təmin edə bilib.

Milli Məclisin deputatı Səyyad Aran çıxışında Yeni Azərbaycan Partiyasının yaranmasının tarixi zərurət olduğunu bildirərək, təşkilatın keçdiyi şərəfli və məsuliyyətli inkişaf yolundan geniş bəhs edib. Vurğulayıb ki, Ulu Öndər Heydər Əliyevin yaradıcısı olduğu Yeni Azərbaycan Partiyası Prezident İlham Əliyevin rəhbərliyi ilə müstəqillik yolunda inamla irəliləyir, Azərbaycanın hərtərəfli inkişafına mühüm töhfələr verir. 

YAP Gənclər Birliyinin sədr müavini, YAP Mərkəzi Aparatının Təşkilat şöbəsinin baş məsləhətçisi Fəsli Nəbiyev YAP Sədrinin müavini-Mərkəzi Aparatın rəhbəri Tahir Budaqovun salamlarını və təbriklərini tədbir iştirakçılarına çatdırıb, rayon təşkilatının fəaliyyətinin yüksək qiymətləndirildiyini qeyd edərək məsuliyyətli vəzifələrində uğurlar arzulayıb. 

Digər çıxış edənlər – Aydan Abışova və Mərziyyə Nəsirova Ümummilli Lider Heydər Əliyevin yenidən siyasi hakimiyyətə qayıdışından sonra ölkədə bütün istiqamətlər üzrə əldə olunan inkişafdan, xüsusilə təhsil sahəsində həyata keçirilən islahatlardan, xalq-iqtidar birliyinin Azərbaycanın tarixi Zəfərinin əsas amillərindən biri olmasından danışıblar.

Tədbir çərçivəsində YAP veteranları və ictimai-siyasi fəaliyyəti ilə fərqlənən fəal partiya üzvləri “Fəxri Fərman”larla təltif olunub, onlara xatirə hədiyyələri təqdim edilib.

Tədbir Yeni Azərbaycan Partiyasının himninin səsləndirilməsi ilə başa çatıb.

Qax–Şəki rayonlarına ekskursiyasa təşkil olunub

26 iyun 2026-cı il tarixində məktəb kollektivinin asudə vaxtının səmərəli təşkili, kollektiv üzvləri arasında həmrəyliyin daha da möhkəmləndirilməsi məqsədilə Elm və Təhsil İşçiləri Həmkarlar İttifaqının dəstəyi ilə Qax və Şəki rayonlarına ekskursiya təşkil edilmişdir.

Ekskursiya çərçivəsində iştirakçılar Qax rayonunun füsunkar təbiəti ilə seçilən İlisu qəsəbəsi, Ramramay şəlaləsi və tarixi Ulu körpü ilə yaxından tanış olmuş, daha sonra Şəki yaylasına səfər edərək burada unudulmaz anlar yaşamışlar.

Səfər müddətində müəllimlər ölkəmizin zəngin təbii və tarixi irsi ilə tanış olmaqla yanaşı, səmimi ünsiyyət şəraitində xoş istirahət etmiş, kollektiv ruhunu daha da gücləndirən dəyərli anlar paylaşmışlar.

Belə tədbirlər əməkdaşların sosial rifahının yüksəldilməsi, sağlam istirahətinin təşviqi və kollektiv münasibətlərinin inkişafı baxımından mühüm əhəmiyyət kəsb edir.

Məktəb kollektivi adından bu ekskursiyanın təşkilinə göstərilən dəstəyə görə Elm və Təhsil İşçiləri Həmkarlar İttifaqına təşəkkürümüzü bildirik.

#ElmVəTəhsilNazirliyi #ETİHİ #İmişliTəhsil #ƏliyetməzliDƏləkbərov #Ekskursiya

İmişli rayonunda təhsilin keyfiyyəti və tərbiyə işinin təşkili diqqət mərkəzindədir

İmişli Rayon İcra Hakimiyyəti tərəfindən rayonun ümumtəhsil müəssisələrində tədrisin keyfiyyətini artırmaq, tərbiyə işinin səmərəliliyini yüksəltmək və məktəblərdə idarəetməni təkmilləşdirmək məqsədilə genişmiqyaslı monitorinqlər keçirilib.

   Monitorinqlərin nəticələrini müzakirə etmək məqsədilə məktəb direktorları ilə geniş tərkibli görüş təşkil edilib. Görüşdə İmişli Rayon İcra Hakimiyyətinin başçısı Elçin Rzayev, İmişli Rayon Prokuroru Valeh Səmədov və Mil-Muğan Regional Təhsil İdarəsinin müdiri Bəhruz Nəbili iştirak ediblər. 

   Çıxış edən İmişli Rayon İcra Hakimiyyətinin başçısı Elçin Rzayev təhsil sahəsinin cəmiyyətin inkişafında mühüm rol oynadığını vurğulayaraq rayon məktəblərində tədrisin keyfiyyətinin yüksəldilməsi, şagirdlərin bilik və bacarıqlarının artırılması, davamiyyət, nizam-intizam və məktəblərdə sağlam mənəvi mühitin formalaşdırılması istiqamətində görülən işlərdən danışıb. O, monitorinqlərin nəticələrinin mövcud vəziyyətin obyektiv qiymətləndirilməsi və çatışmazlıqların aradan qaldırılması baxımından əhəmiyyətini qeyd edərək, təhsil müəssisələrinin rəhbərlərinə bu sahədə məsuliyyətlərini daha da artırmağı tövsiyə edib.

    Daha sonra çıxış edən İmişli Rayon Prokuroru Valeh Səmədov müzakirə olunan məsələlərin aktuallığını vurğulayaraq təhsil müəssisələrində qanunçuluq prinsiplərinə əməl olunmasının vacibliyindən danışıb. O, müəllim-şagird və müəllim-valideyn münasibətlərində qarşılıqlı hörmətin, etik davranış normalarının və məsuliyyət hissinin qorunmasının əhəmiyyətini qeyd edib.

    Çıxışların sonunda Mil-Muğan Regional Təhsil İdarəsinin müdiri Bəhruz Nəbili keçirilən tədbirin tədrisin keyfiyyətinin yüksəldilməsi və tərbiyə işinin daha səmərəli təşkili baxımından mühüm əhəmiyyət daşıdığını bildirib. O, monitorinq nəticələrinin müzakirəsinin məktəblərdə mövcud vəziyyətin düzgün qiymətləndirilməsinə və fəaliyyətin təkmilləşdirilməsinə xidmət etdiyini vurğulayıb. Həmçinin tədbirin təşkilinə görə İmişli Rayon İcra Hakimiyyətinə təşəkkürünü bildirərək, təhsil sahəsində qarşılıqlı əməkdaşlığın bundan sonra da uğurla davam etdirilməsinin vacibliyini qeyd edib.

    İmişli rayonunda təhsilin inkişafı və müasir standartlara cavab verən tədris mühitinin yaradılması istiqamətində görülən işlər bundan sonra da davam etdiriləcək.

İmişlidə məişət zorakılığının qarşısının alınması mövzusunda regional təlim keçirilib

   24 iyun 2026-cı il tarixində İmişli rayonunda Ailə, Qadın və Uşaq Problemləri üzrə Dövlət Komitəsinin təşkilatçılığı ilə növbəti maarifləndirmə təlimi baş tutub. Tədbirdə İmişli, Ağcabədi, Beyləqan, Bərdə, Saatlı və Sabirabad rayon icra hakimiyyətlərində yaradılmış "Məişət zorakılığının qarşısının alınması sahəsində monitorinq və əlaqələndirmə qrupları"nın üzvləri iştirak ediblər.

   Tədbiri giriş sözü ilə açan Dövlət Komitəsinin sədr müavini Sədaqət Qəhrəmanova monitorinq qruplarının fəaliyyət prinsiplərinə toxunub. O bildirib ki, yerli icra hakimiyyətlərində fəaliyyət göstərən bu qruplar öz işlərində mütləq “Məişət zorakılığının qarşısının alınması haqqında” Azərbaycan Respublikası Qanununun tələblərini rəhbər tutmalıdırlar. Sədr müavini zorakılıq qurbanlarına çevik dəstəyin göstərilməsi, mühafizə orderlərinin verilməsi və zəruri hallarda qurbanların sığınacaqlara yerləşdirilməsi istiqamətində addımların gücləndirilməsinin vacibliyini vurğulayıb. Qeyd edib ki, məsul şəxslərin qanunvericiliyə edilən son dəyişikliklərlə yaxından tanış olması bu sahədəki mübarizənin effektivliyini xeyli artıracaq.

   Çıxış edən, İmişli Rayon İcra Hakimiyyətinin İctimai-siyasi və humanitar məsələlər sektorunun müdiri Rüfət Muradov məişət zorakılığının qarşısının alınması sahəsində görülən işlər barədə tədbir iştirakçılarını məlumatlandırıb.

   Daha sonra Hüquqi təminat şöbəsinin Məişət zorakılığının qarşısının alınması sektorunun müdiri Vəfa Ələkbərova çıxış edərək, Dövlət Komitəsinə daxil olan cavab məktublarının təhlili barədə məlumat verib. Sektor müdiri iş prosesində xidməti fəaliyyətlə bağlı rast gəlinən nöqsanların aradan qaldırılması və gələcəkdə zəruri tədbirlərin görülməsi üçün öz tövsiyələrini diqqətə çatdırıb.

   Təlim proqramı çərçivəsində eyni sektorun əməkdaşı İradə Məmmədova geniş təqdimatla çıxış edib. O, monitorinq və əlaqələndirmə qruplarının hüquqi müstəvidə görməli olduğu işləri xatırladıb və “Məişət zorakılığının qarşısının alınması haqqında” Qanuna edilən yeni düzəlişlərin mahiyyətini izah edib.

   İnteraktiv formada davam edən görüşdə monitorinq qrupları sədrlərinin çıxışları dinlənilib, mövzu ətrafında geniş fikir mübadiləsi və sual-cavab sessiyası keçirilib.

   Tədbirin sonunda iştirakçılara regional işdə istifadə olunması üçün “Məişət zorakılığı qurbanlarının hüquqları” adlı maarifləndirici bukletlər paylanılıb.

İmişli rayon F.Əsədov adına Qarqaşlı kənd tam orta ümumtəhsil məktəbinin müəllimləri -Lənkəran və Lerik rayonlarına yaddaqalan səfər etmişlər.

İmişli rayon F.Əsədov adına Qarqaşlı kənd tam orta ümumtəhsil məktəbinin müəllimləri Azərbaycanın ecazkar təbiəti və zəngin mədəni irsi ilə seçilən cənub bölgəsinə – Lənkəran və Lerik rayonlarına yaddaqalan səfər etmişlər.

Səfər çərçivəsində müəllimlər Lerikin əsrarəngiz dağ mənzərələri, sıx meşələri, saf dağ havası və füsunkar şəlalələri ilə yaxından tanış olmuş, təbiətin bənzərsiz gözəlliklərindən zövq almışlar. Daha sonra Lənkəran rayonunun tarixi-mədəni abidələrini, görməli məkanlarını və zəngin turizm potensialını əks etdirən yerləri ziyarət etmişlər.

Bu səfər müəllimlərin həm istirahətinə, həm də dünyagörüşlərinin genişlənməsinə xidmət etmiş, onlarda xoş və unudulmaz təəssüratlar yaratmışdır. Azərbaycanın gözəlliklərini daha yaxından tanımaq baxımından belə ekskursiyalar xüsusi əhəmiyyət daşıyır

.#QaraqaşlıMəktəbi

#Lənkəran #Lerik

#Ekskursiya

#Müəllimlər

#AzərbaycanınGözəllikləri

#Təhsil #Səyahət #Mədəniİrs 🌿🏞️📚

Elm və Təhsil İşçiləri Həmkarlar İttifaqının İmişli Rayon Komitəsi İmişli Peşə məktəbi üçün tur təşkil edib.

Elm və Təhsil İşçiləri Həmkarlar İttifaqının İmişli Rayon Komitəsi tərəfindən İmişli Peşə məktəbinin işçilərinin asudə vaxtlarının səmərəli təşkili və istirahətlərinin təmin olunması məqsədilə Şəki–Qax istiqamətində gəzinti turu təşkil olunub.Gəzinti iştirakçıları Şəki və Qax rayonlarının tarixi-mədəni abidələri, füsunkar təbiəti və turizm məkanları ilə yaxından tanış olmaq imkanı əldə ediblər.Tur iştirakçıları yardılan şəraitə görə Elm və Təhsil İşçiləri Həmkarlar İttifaqının Respublika Komitəsi və ETİHİ-nın İmişli Rayon Komitəsinə təşəkkürlərini bildirdilər.

#ElmvəTəhsilİşçiləriHəmkarlarİttifaqı

#ETİHİ İmişli RayonKomitəsi

 #Təhsilİşçiləri İmişli Peşə məktəbi

 #İstirahətTuru

 #Gəzinti

 #AsudəVaxt

#ŞəkiQaxTuru

#Təhsilİşçilərininİstirahəti

Təhsil İşçiləri üçün unudulmaz gəzinti turu təşkil edildi

Təhsil işçilərinin asudə vaxtlarının səmərəli təşkili məqsədilə Lənkəran və Lerik rayonlarına gəzinti turu təşkil edilmişdir. Tur iştirakçıları Azərbaycanın cənub bölgələri Xəzər sahili,Hirkan meşələri zəngin təbiəti, əsrarəngiz mənzərələri və tarixi-mədəni abidələri ilə yaxından tanış olmuşlar.

Səfər zamanı iştirakçılar Lənkəranın füsunkar təbiətini, yaşıllıqlarla əhatə olunmuş istirahət məkanlarını ziyarət etmiş, daha sonra Lerik rayonunun möhtəşəm dağ mənzərələrini seyr etmişlər. Təbiətin gözəllikləri, təmiz dağ havası və maraqlı ekskursiyalar iştirakçılarda xoş təəssüratlar yaratmışdır.

Turun əsas məqsədi təhsil işçilərinin istirahətinin səmərəli təşkili, kollektiv üzvləri arasında ünsiyyətin möhkəmləndirilməsi və onların mənəvi asudə vaxtının zənginləşdirilməsi olmuşdur.

Tur iştirakçıları göstərilən qaygıya görə ETİHİ-nın Respublika komitəsinə öz təşəkkürlərini bildirdilər.

Qax-Şəki istiqamətində istirahət və ekskursiya turu təşkil olunub

Elm və Təhsil İşçiləri Həmkarlar İttifaqının İmişli Rayon Komitəsi Habil Namazov adına Boşçalılar kənd tam orta ümumtəhsil məktəbinin kollektivi üçün Qax-Şəki istiqamətində istirahət və ekskursiya turu təşkil olunub.

Təhsil işçilərinin asudə vaxtlarının səmərəli təşkili, mənəvi istirahətlərinin təmin olunması məqsədilə həyata keçirilən səfər çərçivəsində iştirakçılar Qax rayonunun füsunkar təbiəti,İlisu şəlaləsi, Şəki Yaylası və Şəkinin zəngin tarixi-mədəni irsini əks etdirən Şəki Xan Sarayı ilə yaxından tanış olublar.

Təhsil işçiləri göstərilən diqqət və qayğıya görə Elm və Təhsil İşçiləri Həmkarlar İttifaqına minnətdarlıqlarını bildiriblər.

Qeyd edək ki, Elm və Təhsil İşçiləri Həmkarlar İttifaqı İmişli Rayon Komitəsi tərəfindən təhsil işçilərinin sosial rifahının yüksəldilməsi, asudə vaxtlarının səmərəli təşkili və daxili turizmin təşviqi istiqamətində tədbirlər davam etdirir.

#ElmvəTəhsilİşçiləriHəmkarlarİttifaqıİmişliRayonKomitəsi

#İstirahətTuru

#QaxŞəkiTuru

#IlisuŞəlaləsi

#ŞəkiYaylası

#ŞəkiXanSarayı

#Təhsilİşçilərininİstirahəti

#AsudəVaxt

İmişli rayon təhsil işçiləri üçün birgünlük ekskursiya təşkil edilib

İmişli rayonu Rəhim Alışov adına Bəhrəmtəpə qəsəbə tam orta ümumtəhsil məktəbinin müəllim kollektivi üçün Lerik və Lənkaran rayonlarına birgünlük ekskursiya təşkil edilmişdir. Ekskursiyanın məqsədi müəllimlərin asudə vaxtlarının səmərəli təşkili, kollektiv üzvləri arasında dostluq və əməkdaşlıq münasibətlərinin daha da möhkəmləndirilməsi olmuşdur.

Kollektiv səfər çərçivəsində Lerik və Lənkəran şəhərinin və onun füsünkar təbiətinidən zövq almış əyləncə və istirahət məkanlarında və şəlalədə olmuşdur .Turda iştirak edən müəllim kollektivi əməyi keçən ETİHİ-nın rəhbərliyinə təşəkkürlərini bildirmişdilər.