Xəbərlər

Ümummilli Lider Heydər Əliyevin anadan olmasının 103-cü ildönümünə həsr edilən idman yarışlarının bağlanış mərasimi keçirilib

Mayın 26-da Azərbaycan Texniki Universitetinin idman zalında Azərbaycan Respublikasının Elm və Təhsil Nazirliyi və Elm və Təhsil İşçiləri Həmkarlar İttifaqı Respublika Komitəsinin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr edilən idman yarışlarının bağlanış mərasimi keçirilib.

Tədbirdə çıxış edən Elm və Təhsil İşçiləri Həmkarlar İttifaqı Respublika Komitəsinin sədr müavini Mirzə Cəfərzadə turnirin əhəmiyyətini vurğulayaraq bildirib ki, bu cür layihələr təhsil camiəsində idman mədəniyyətinin inkişafına, kütləviliyin təmin olunmasına və müəllimlər arasında sosial əlaqələrin möhkəmlənməsinə mühüm töhfə verir. O, qalibləri təbrik edərək onlara gələcək fəaliyyətlərində uğurlar arzulayıb.

Bağlanış mərasimində basketbol, voleybol, dama, mini-futbol, stolüstü tennis və şahmat üzrə həm komanda, həm də fərdi hesabda yüksək nəticə göstərən iştirakçılar mükafatlandırılıblar.

Qalib komandalar ETİHİ Respublika Komitəsinin sədr müavini Mirzə Cəfərzadə və Elm və Təhsil Nazirliyinin Uşaq və gənclərin inkişafı siyasəti şöbəsinin müdiri, nazirliyin Həmkarlar İttifaqı Təşkilatının sədri Elnur Əliyev və Elm və Təhsil İşçiləri Həmkarlar İttifaqı Respublika Komitəsinin şəhər və rayon komitə sədrləri tərəfindən təltif ediliblər.

Həmçinin yarışların obyektiv, şəffaf və yüksək səviyyədə təşkilində xüsusi peşəkarlıq nümayiş etdirən hakimlər heyətinin nümayəndələrinə də mükafatlar təqdim olunub.

Uşaqların Beynəlxalq Müdafiəsi Günü münasibətilə tədbirlər keçirilib

Mil-Muğan Regional Təhsil İdarəsinin İmişli rayon üzrə təhsil sektorunun tabeliyində olan ümumi təhsil müəssisələrində 1 İyun – Uşaqların Beynəlxalq Müdafiəsi Günü münasibətilə silsilə tədbirlər təşkil olunub.

Tədbirlər zamanı şagirdlərə Uşaqların Beynəlxalq Müdafiəsi Gününün yaranma tarixi və əhəmiyyəti haqqında ətraflı məlumat verilib. Bildirilib ki, bu günün qeyd olunması ilə bağlı qərar 1950-ci il iyunun 1-də BMT Baş Assambleyası tərəfindən qəbul edilib və məqsəd bütün dünyada uşaqların hüquqlarının qorunmasına diqqətin artırılmasıdır.

Tədbir iştirakçıları Ulu Öndər Heydər Əliyevin uşaqlara xüsusi münasibətindən, onların gələcəyin qurucuları kimi yetişməsinə verdiyi önəmdən danışıblar. Həmçinin qeyd olunub ki, Prezident İlham Əliyevin rəhbərliyi ilə uşaqların təhsilinin, sağlamlığının və sosial rifahının yaxşılaşdırılması istiqamətində ardıcıl addımlar atılır, onların hərtərəfli inkişafı üçün geniş imkanlar yaradılır.

Bayram tədbirləri şagirdlərin təqdim etdikləri maraqlı bədii proqramlarla davam edib. Onlar Azərbaycan və dünya xalqlarına məxsus mahnılar səsləndirib, müxtəlif rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər. 

Çahar kənd tam orta ümumtəhsil məktəbinin kollektivi üçün Qəbələ rayonuna gəzinti turu təşkil olunmuşdur.

17 may 2026-cı il tarixində Elm və Təhsil İşçiləri Həmkarlar İttifaqı İmişli Rayon Komitəsinin təşkilatçılığı ilə Canəli Nəsirov adına Çahar kənd tam orta ümumtəhsil məktəbinin kollektivi üçün Qəbələ rayonuna gəzinti turu təşkil olunmuşdur.

Gəzintinin təşkilində əsas məqsəd təhsil işçilərinin asudə vaxtlarının səmərəli təşkili, kollektiv üzvləri arasında əməkdaşlıq və mehriban münasibətlərin daha da möhkəmləndirilməsi olmuşdur. Qəbələnin füsunkar təbiəti və gözəl mənzərələri iştirakçılarda xoş təəssüratlar yaratmış, səfər kollektivin birlik və həmrəyliyinin güclənməsinə töhfə vermişdir.

Əliqulular məktəbinin kollektivi üçün Şuşa və Xankədi şəhərinə gəzinti turu təşkil olunmuşdur.

10 may 2026-cı il tarixində Elm və Təhsil İşçiləri Həmkarlar İttifaqı İmişli Rayon Komitəsinin təşkilatçılığı ilə Rəsul Məmmədov adına Əliqulular kənd tam orta ümumtəhsil məktəbinin kollektivi üçün Şuşa və Xankədi şəhərinə gəzinti turu təşkil olunmuşdur.

Gəzintinin təşkilində əsas məqsəd təhsil işçilərinin asudə vaxtlarının səmərəli təşkili, kollektiv üzvləri arasında əməkdaşlıq və mehriban münasibətlərin daha da möhkəmləndirilməsi olmuşdur. Şuşa və Xankəndi şəhirinin tarixi memarlıq abidələri tanış olmuşlar işgaldan azad edildikdən sonra başlanmış Şuşa və Xankəndı şəhərinin müasir şəhərsalma qaydalarına uygun yenidən bərpası cıdır düzünün və təbiətin füsunkar gözəl mənzərələri iştirakçılarda xoş təəssüratlar yaratmış, səfər kollektivin birlik və həmrəyliyinin güclənməsinə töhfə vermişdir.

Bəhrəmtəpə qəsəbə 2 nömrəli məktəbin kollektivi Qəbələ şəhərinədə gəzintidə oldu

17 may 2026-cı il tarixində Elm və Təhsil İşçiləri Həmkarlar İttifaqı İmişli Rayon Komitəsinin təşkilatçılığı ilə Bəhrətəpə qəsəbə Kamil Əsədov adına ümumi orta ümumtəhsil məktəbinin kollektivi üçün Qəbələ rayonuna gəzinti turu təşkil olunmuşdur.

Gəzintinin təşkilində əsas məqsəd təhsil işçilərinin asudə vaxtlarının səmərəli təşkili, kollektiv üzvləri arasında əməkdaşlıq və mehriban münasibətlərin daha da möhkəmləndirilməsi olmuşdur. Qəbələ rayonunun tarixi memarlıq abidələri füsunkar təbiəti nöhür göl və yeddi gözəl şəaləsinin mənzərələri iştirakçılarda xoş təəssüratlar yaratmış, səfər kollektivin birlik və həmrəyliyinin güclənməsinə töhfə vermişdir.

İmişlidə “Gələcəyini qoru, narkotikə yox de!” mövzusunda maarifləndirici görüşlər keçirilib

İmişli rayonunda gənclərin sağlam həyat tərzinə təşviqi, onların zərərli vərdişlərdən uzaq saxlanılması və narkomaniyaya qarşı mübarizə istiqamətində növbəti maarifləndirici tədbirlər təşkil olunub. Tədbirlər İmişli rayon prokurorluğu və İmişli rayonu üzrə təhsil sektorunun birgə təşkilatçılığı ilə rayonun 1, 2, 5, 7 və 8 nömrəli tam orta ümumtəhsil məktəblərində keçirilib.

“Gələcəyini qoru, narkotikə yox de!” mövzusuna həsr olunan görüşlərdə şagirdlərlə açıq müzakirələr aparılıb, narkotik vasitələrin insan sağlamlığına, psixoloji vəziyyətinə və cəmiyyətə vurduğu ciddi zərərlər barədə ətraflı məlumat verilib. Çıxış edənlər xüsusilə yeniyetmə və gənclərin sağlam düşüncəli, savadlı və vətənpərvər ruhda formalaşmasının vacibliyini vurğulayıblar.

Görüşlərdə çıxış edən İmişli rayon prokuroru Valeh Səmədov narkotik vasitələrin qanunsuz dövriyyəsinin yaratdığı təhlükələrdən danışaraq bildirib ki, bu bəla yalnız ayrı-ayrı şəxslərin deyil, bütövlükdə cəmiyyətin gələcəyinə ciddi təhdid yaradır. O, gənclərin zərərli vərdişlərdən uzaq tutulmasında ailə, məktəb və ictimaiyyətin birgə fəaliyyətinin mühüm rol oynadığını diqqətə çatdırıb.

İmişli rayonu üzrə təhsil sektorunun müdiri Elşad Uğurliyev isə çıxışında məktəblərdə maarifləndirici tədbirlərin davamlı keçirilməsinin əhəmiyyətini qeyd edib. Bildirib ki, şagirdlərin asudə vaxtlarının səmərəli təşkili, onların elmə, idmana və sosial fəaliyyətlərə yönləndirilməsi sağlam cəmiyyətin formalaşmasına mühüm töhfə verir.

Tədbirlər zamanı iştirakçılara narkomaniyanın fəsadlarını əks etdirən məlumatlar təqdim olunub, mövzu ilə bağlı şagirdləri maraqlandıran suallar cavablandırılıb.

Qarabağ Universiteti abituriyentlərlə maarifləndirici görüşlər keçirib

2026/2027-ci tədris ilinə hazırlıq çərçivəsində Qarabağ Universiteti tərəfindən abituriyentlər üçün genişmiqyaslı maarifləndirici və tanışlıq xarakterli görüşlər təşkil olunub. Görüşlər Mil-Muğan Regional Təhsil İdarəsinin tabeliyində fəaliyyət göstərən ümumtəhsil müəssisələrinin 11-ci sinif şagirdlərini əhatə edib.

İmişli şəhərində keçirilən tədbirlərdə Beyləqan, İmişli, Saatlı və Sabirabad rayon məktəblərinin yüksək akademik göstəriciləri ilə seçilən şagirdləri iştirak ediblər. Məqsəd abituriyentləri Qarabağ Universitetinin təhsil imkanları, akademik mühiti və gələcək perspektivləri ilə yaxından tanış etmək olub.

İxtisas qrupları üzrə təşkil olunan görüşlər iki fərqli məkanda paralel şəkildə həyata keçirilib. Tədbirlər zamanı universitet nümayəndələri tərəfindən Qarabağ Universitetinin missiyası, strateji hədəfləri və ölkənin ali təhsil məkanında tutduğu mühüm rol barədə ətraflı məlumat verilib. Bildirilib ki, universitet yalnız peşəkar mütəxəssis hazırlığını deyil, eyni zamanda milli dəyərlərə bağlı, vətənpərvər və müasir dünyagörüşlü gənclərin yetişdirilməsini əsas prioritetlərdən biri hesab edir.

Abituriyentlərə universitetdə tədris olunan ixtisas proqramları, müasir akademik məzmun, innovativ tədris yanaşmaları və tələbələr üçün yaradılmış imkanlar haqqında təqdimatlar edilib. Həmçinin universitetin maddi-texniki bazası, müasir auditoriyaları, laboratoriyaları və tələbələrin sosial inkişafını dəstəkləyən kampus mühiti barədə geniş məlumat verilib.

Tədbir çərçivəsində universitetin fəaliyyəti və inkişaf konsepsiyasını əks etdirən videoçarx nümayiş olunub, iştirakçılara məlumatlandırıcı bukletlər paylanılıb. Abituriyentlər universitetə qəbul şərtləri, ixtisas seçimləri və təhsil imkanları ilə bağlı onları maraqlandıran çoxsaylı sualları ünvanlayaraq ətraflı cavablar əldə ediblər.

Oruclu kənd tam orta ümumtəhsil məktəbinin kollektivi üçün Şəki rayonuna gəzinti turu təşkil olunmuşdur.

10 may 2026-cı il tarixində Elm və Təhsil İşçiləri Həmkarlar İttifaqı İmişli Rayon Komitəsinin təşkilatçılığı ilə Oruclu kənd tam orta ümumtəhsil məktəbinin kollektivi üçün Şəki rayonuna gəzinti turu təşkil olunmuşdur.

Gəzintinin təşkilində əsas məqsəd təhsil işçilərinin asudə vaxtlarının səmərəli təşkili, kollektiv üzvləri arasında əməkdaşlıq və mehriban münasibətlərin daha da möhkəmləndirilməsi olmuşdur. Şəki rayonunun tarixi memarlıq abidələri füsunkar təbiəti və gözəl mənzərələri iştirakçılarda xoş təəssüratlar yaratmış, səfər kollektivin birlik və həmrəyliyinin güclənməsinə töhfə vermişdir.

"Əmkdar mədəniyyət işçisi şair Qəşəm Nəcəfzadə görüş keçirildi"

İmişli rayon Ölcələr kənd Nizaməddin Əzizalıyev adına tam orta ümumtəhsil məktəbində Əməkdar mədəniyyət işçisi "Azərbaycan"Yazıçılar Birliyinin İdarə Heyətinin üzvü Uşaq ədəbiyyatı şöbəsinin rəhbəri,şair Qəşəm Nəcəfzadə ilə müəllimlə və şagirdlərlə görüşü keçirildi.Şairin həyat və fəaliyyətini əks etdirən sənədli film nümayiş etdirildi.

   Tədbirdə Ölcələr kənd tam orta ümumtəhsil məktəbinin direktoru Sahilə Ağazadə çıxış edərək qonaqları salamlayıb, şair Qəşəm Nəcəfzadənin ədəbiyyata verdiyi töhfələrdən danışıb, onun əsərlərinin Azərbaycan ədəbiyyatında xüsusi yer tutduğunu vurğulayıb.Daha sonra çıxış edən məktəbin təlim-tərbiyə işləri üzrə direktor müavini Məmmədli Taciyəxanım qeyd edib ki,tanınmış şair Qəşəm Nəcəfzadə Gəncə Dövlət Universitetinin filologiya fakültəsini bitirib.Şair elə tələbəlik,gənclik illərində də gözəl şerlərini yazıb.

Şairin qələm dostları Əməkdar müəllimiSəxavət Tağlar,Həqiqət və Reallıq qəzetini baş redaktoru İsrafil Sarxanlı,Elm və Təhsil İşçilıri Həmkarlar İttifaqının İmişli rayon komitəsinin sədri Kərim Kərimov,məktəbin riyaziyyat müəllimi,əməkdar müəllim,tərəqqi medallı Əhmədova Xuraman,Ölcələr kənd məktəbinin sabiq direktoru Mirsaleh Mirsalahov çıxış edərək,Qəşəm Nəcəfzadənin Azərbaycan ədəbiyyatının poetik nəfəsi ilə seçilən ən parlaq nümayəndələrindən biri, son dərəcə təbii və özünəməxsus təbiətli,cəmiyyətə,ümumbəşəri dəyərlərə nüfuz edən istedadlı şair olduğunu diqqətə çatdırıblar.Ona həyatında və gələcək yaradıcılığında uğurlar arzuladılar.ETİHİ-nın İmişli rayon komitəsinin sədri Kərim Kərimov Qəşəm Nəcəfzadəni Fəxri Fərman və qiymətli hədəyyə ilə təltif etdi.

  Qəşəm Nəcəfzadə bu görüşün keçirilməsinə təşkilatçılığı etmiş Ölcələr kənd tam orta ümumtəhsil məktəbinin direktoru və kollektivinə minnətdarlığını bildirib. Oxucularına təşəkkür edərək, onların dəstəyi və marağı sayəsində yaradıcılığını daha da inkişaf etdirdiyini bildirib.

  Tədbir boyu şagirdlər Qəşəm Nəcəfzadənin şeirlərini səsləndirdilər, eləcə də şairə suallar ünvanladılar. Sualları cavablandıran Qəşəm Nəcəfzadə şagirdlərə yeni çapdan çıxan “Unutmaq haqqında sevgi dərsləri” və “ Bir gözəl qadın ölür” adlı kitablarını hədiyyə etdi.

Respublika fənn olimpiadalarının qalibləri ilə görüş keçirilib

Mil-Muğan Regional Təhsil İdarəsi tərəfindən Respublika fənn olimpiadalarında yüksək nəticə göstərən şagirdlərlə görüş təşkil olunub.

Tədbirdə Mil-Muğan Regional Təhsil İdarəsinin müdiri Bəhruz Nəbili, müdir müavini Rabil Şahbazov, Beyləqan, İmişli, Saatlı və Sabirabad rayonları üzrə təhsil sektorlarının müdirləri, Elm və Təhsil İşçiləri Həmkarlar İttifaqının rayon komitələrinin sədrləri, fənn müəllimləri, eləcə də qalib şagirdlər iştirak ediblər.

Görüş zamanı çıxış edənlər ölkəmizdə təhsil sahəsinə göstərilən dövlət qayğısından, gənclərin bilik və bacarıqlarının inkişafına yaradılan imkanlardan geniş bəhs ediblər. Bildirilib ki, Respublika fənn olimpiadaları şagirdlərin elmi dünyagörüşünün formalaşmasında, onların sağlam rəqabət mühitində inkişaf etməsində və gələcək uğurlarının təməlində mühüm rol oynayır.

Çıxışlarda olimpiada qaliblərinin əldə etdiyi nailiyyətlərin həm məktəblər, həm müəllimlər, həm də valideynlər üçün böyük qürur mənbəyi olduğu vurğulanıb. Qeyd olunub ki, bu uğurlar şagirdlərin əzmkarlığının, müəllimlərin zəhmətinin və valideyn dəstəyinin birgə nəticəsidir.

Mil-Muğan Regional Təhsil İdarəsinin rəhbərliyi tərəfindən qalib şagirdlər təbrik olunub, onların gələcək təhsil həyatında da yeni nailiyyətlər qazanacaqlarına əminlik ifadə edilib. Eyni zamanda, şagirdlərin hazırlanmasında xüsusi əməyi olan fənn müəllimlərinə və valideynlərə təşəkkür bildirilib.

Səmimi və xoş ovqatda keçən görüşün sonunda Respublika fənn olimpiadalarının qaliblərinə hədiyyələr təqdim olunub, xatirə şəkilləri çəkdirilib.

Ümummilli Lider Heydər Əliyevin anadan olmasının 103-cü ildönümü və “Memarlıq və Şəhərsalma İli”nə həsr olunmuş yeniyetmələr arasında mini futbol yarışı keçirildi

Heydər Əliyevin anadan olmasının 103-cü ildönümü və “Memarlıq və Şəhərsalma İli” çərçivəsində Elm Təhsil İşçiləri Həmkarlar Təşkilatının İmişli komitəsi ilə birlikdə İmişli UGİŞM-in idmançıları arasında futbol yarışı keçirilmişdir.

Yarışın təşkilində məqsəd gənclər arasında idmana marağın artırılması, onların fiziki inkişafının dəstəklənməsi, sağlam həyat tərzinin təbliği və sağlam rəqabət mühitinin formalaşdırılması olmuşdur. Yarış boyunca komandalar maraqlı və gərgin oyunlarla yadda qalmışdır.

Tədbirin sonunda qalib komandalar hədiyyələr və diplomlarla təltif olunmuşlar.

İmişlidə Ümummilli Lider Heydər Əliyevin anadan olmasının 103-cü ildönümünə həsr olunmuş konsert proqramı keçirilib

    Bu gün İmişli rayonunda Ulu Öndər Heydər Əliyevin anadan olmasının 103-cü ildönümünə həsr olunmuş konsert proqramı təşkil edilib. Konsertdə İmişli Rayon İcra Hakimiyyətinin başçısı Elçin Rzayev, millət vəkili Səyyad Aran, YAP İmişli Rayon Təşkilatının sədri Səfa Ağayev, rayonun hüquq-mühafizə orqanlarının rəhbərləri, idarə, müəssisə və təşkilatların kollektivləri, eləcə də şəhid ailələri, qazilər, ictimaiyyət nümayəndələri və rayon sakinləri iştirak ediblər.

    Konsertdə tanınmış incəsənət nümayəndələri tərəfindən Heydər Əliyev və müstəqil Azərbaycana həsr olunmuş vətənpərvər ruhlu musiqilər ifa olunub, çıxışlar tamaşaçılar tərəfindən böyük maraq və alqışlarla qarşılanıb. Bayram ovqatı yaradan bədii proqram rayon sakinlərində yüksək əhval-ruhiyyə bəxş edib. Tədbir boyunca milli birlik, dövlətçilik ənənələri və vətənə sevgi hissləri xüsusi vurğulanıb, iştirakçılar musiqi nömrələri və səhnə çıxışlarını böyük coşqu ilə izləyərək xoş təəssüratlarla ayrılıblar.